Прстен со суво цвеќе

Рачно изработен прстен со суво цвеќе

Уникатен рачно изработен прстен во кој е вметнато вистинско суво цвеќе, внимателно зачувано за да ја задржи својата природна форма и боја. Секое парче е единствено и носи сопствена приказна.

Основата на прстенот е изработена од полимерна глина, на која по печењето е поставено сувото цвеќе и фиксирано со висококвалитетна УВ смола. Смолата обезбедува заштита, сјај и долготрајност, притоа истакнувајќи ги фините детали на цветот.

Рамката е од бижутерија. Во случај на потемнување поради контакт со пот или влага, прстенот лесно може да се освежи со нежно триење со сода бикарбона, потоа да се исплакне и избрише со сува крпа.

Уникатен подарок за оние што ја сакаат природата и рачната изработка. А понекогаш, најубавиот подарок е оној што си го подаруваме сами.